«Território Expandido nace co obxectivo de amosar a fotografía galega fóra das nosas fronteiras administrativas, así como pór en circulación aquí ensaios fotográficos que, na maioría dos casos, malia ter un longo percorrido internacional, fican fóra dos circuítos oficiais. Nace, ademais, ao abeiro do festival Outono Fotográfico, que na última época ten expandido o seu territorio por diversos camiños que tratan de situar a creación fotográfica galega a nivel internacional.
Debaixo do paraugas do Territorio Expandido, na súa fase galega, encontramos 27 obras que saen de senllos ensaios moi diferentes artellados desde a Galiza, Portugal e o Brasil. Este libro da conta dos textos e fotografías que sustentaron o proxecto expositivo». Vítor Nieves, curador do proxecto.
Textos de: Carlos Da Aira, Ângela Ferreira, Charo López, Vítor Nieves, Goretti Sanmartín e Patricia Veloso.