CAPAS LIBRO REDUCIÓN • FELIPE ROMERO BELTRÁN VII PREMIO GA
IMG_20201101_123607IMG_20201101_123246IMG_20201101_123206IMG_20201101_123110IMG_20201101_123434IMG_20201101_123349

«Redución»

24€

Depósito legal: OU 77-2020

ISBN 978-84-92958-54-2

64 páxinas bitono

30 fotografías e 17 documentos

Encadernación tapa dura ao cromo

Primeira edición: outubro 2020

En stock

 

«A condición legal do (corpo) inmigrante determina se pode ou non transitar regularmente todas as rúas da cidade. Os percorridos diarios do (corpo) inmigrante vense afectados se este non posúe documentos de identificación ou unha residencia xustificada no país. Isto, en termos legais, coñécese como (corpo) indocumentado. O corpo policial realiza periodicamente unha revisión do estado legal dos residentes en zonas onde estatisticamente poden atopar máis irregularidades. Estes lugares son chamados “Zonas quentes”. Cada vez que se emite a advertencia de policía na zona, os (corpos) inmigrantes que non posúen documentación evitan ditas rúas dos seus percorridos habituais para non ser descubertos. O (corpo) inmigrante transita as rúas en relación ás zonas que poida atravesar. Na nova zona establecida, sitúase un corpo policial. Isto implica a modificación da rutina diaria de tránsito do (corpo) inmigrante sen documentación. Se o (corpo) inmigrante é interceptado, redúcese e é trasladado ao CIE (Centro de Internamento de Estranxeiros). A redución e o sometemento do (corpo) indocumentado réxese polo Manual de Defensa Policial que establece o Corpo Nacional de Policía. O manual explica detalladamente como reducir a outro corpo, ou dito doutro xeito, como neutralizar ao (corpo) indocumentado a través de   técnicas de combate.»

Texto de Felipe Romero Beltrán publicado no libro

 

«Redución é un ensaio fotográfico que indaga sobre os procedementos de redución e sometemento policial a persoas ‘indocumentadas’ no territorio do Estado Español. O proxecto está composto por varios capítulos con diferentes gramáticas.»

«A estetización da violencia e o feito de sustituir ao axente de policía (brazo executor da violencia do Estado) polo individuo receptor desa violencia (migrante ‘indocumentado’) fainos empatizar cos corpos violentados, o que nos axuda a entender tamén como operan os mecanismos e procesos de construción de imaxes da hexemonía.»

Extractos do texto do curador da exposición Vítor Nieves publicado no libro.

Peso 410 g
Dimensións 17.7 x 24.4 cm